Dende o Colexio Nuestra Señora Inmaculada de Santa Comba, A Coruña, dámosvos a benvida á nosa páxina web.  Presentámosvos dende aquí o noso centro, tratando sempre de manternos actualizados/as e mellorar a calidade da nosa práctica educativa. Queremos ser educadores/as nesta sociedade da información e a comunicación, dentro da cal o noso alumnado, xeracionalmente, supón unha peza chave. 

Facémolo cheos/as de bos propósitos, pretendendo que esta páxina sexa un medio para a información, a creación de novas canles de comunicación para coa comunidade educativa, a colaboración e participación das familias, a innovación e a introdución das novas tecnoloxías na labor docente, o acceso á documentación e recursos educativos e a mostra do traballo diario do noso alumnado dentro e fóra da rede. En definitiva, unha porta aberta ao mundo para atoparnos e coñecer a nosa labor educativa.

Esperando que o que atopedes aquí vos resulte útil e a visita virtual ao noso centro, amena e agradable. recibide a miña máis entrañable benvida:
                                                                 

   Beatriz Quintela Fernández

     Directora do Colexio Nuestra Señora Inmaculada